Qarshi shahridagi “Vatanparvarlar” bog‘ida O‘zbekiston mustaqilligining 28 yilligiga bag‘ishlangan “Ajdodlarga munosib voris bo‘laylik” nomli yoshlar festivali bo‘lib o‘tdi. Bu haqda Mudofaa vazirligi Axborot va ommaviy kommunikatsiyalar departamenti “Daryo”ga ma’lum qildi.
Unda mudofaa vazirining tarbiyaviy va mafkuraviy ishlari bo‘yicha o‘rinbosari general-mayor Azizbek Ikramov, Qashqadaryo viloyat hokimligi va O‘zbekiston yoshlar ittifoqi markaziy kengashi vakillari so‘zga chiqib, yig‘ilganlarni bayram bilan muborakbod etdi.
Tadbir avvalida O‘zbekiston mudofaa vazirining buyrug‘iga asosan Mudofaa vazirligi qo‘shinlarida vijdonan va sidqidildan xizmat qilgan Janubi-g‘arbiy maxsus harbiy okrugning bir guruh harbiy xizmatchilari va nafaqadagi harbiylar “Mudofaa vazirligi faxriysi” ko‘krak nishoni bilan taqdirlandi.
Shuningdek, Mudofaa vazirligi faxriylari o‘rtasida o‘tkazilgan sport musobaqalarida faxrli 2-o‘rinni egallagan Janubi-g‘arbiy maxsus harbiy okrug faxriylarining mini futbol jamoasiga faxriy yorliq va esdalik sovg‘alari topshirildi.Tadbir davomida Janubi-g‘arbiy maxsus harbiy okrugning harbiy xizmatchilari tomonidan jangovar chiqish namoyish etildi. Festival yakunida konsert dasturiga ulanib ketdi.
Shuningdek, bayram munosabati bilan Pachkamar garnizonida joylashgan harbiy qismda harbiylar oilalari uchun 20 ish o‘rniga ega yangi tikuv sexi ish boshladi.
Izoh (0)