Vazirlar Mahkamasi huzuridagi Din ishlari bo‘yicha qo‘mita raisi Jasur Akromov, rais o‘rinbosari — Diniy-ijtimoiy jarayonlarni o‘rganish axborot-tahlil markazi direktori Nuriymon Abulhasan ishdan olindi, deya xabar bermoqda “Kun.uz”.
Jasur Akromov 2018-yil aprelida qo‘mita raisi etib tayinlangan, Muzaffar Komilov va Nuriymon Abulhasan esa uning o‘rinbosarlari etib tayinlangan edi. Qo‘mitaga endi kim raislik qilishi hozircha noma’lum.
Nuriymon Abulhasan O‘zbekiston IIVning Terrorizm va ekstremizmga qarshi kurashish bosh boshqarmasiga rahbar etib tayinlangan. Bu haqdagi xabarlarni “Daryo” manbasi tasdiqladi.
Qayd etish joiz, Nuriymon Abulhasan 1994-yilda Toshkent islom instituti (oliy ma’had)ni, 1997-yilda Misrdagi Al-Azhar universitetini tamomlagan, ilgari Prezident devonining Millatlararo va din masalalari bo‘yicha xizmati hamda IIV tizimida ishlagan.
Izoh (0)