Qashqadaryo viloyatida maktabgacha ta’lim mussasalari soni 1000 taga yetdi. “Daryo” muxbirining xabar berishicha, minginchi bog‘cha Dehqonobod tumanida mustaqillikning 28 yillik tantanalari tadbirida ochildi.
Xabarda aytilishicha, 9-sonli ushbu MTT 7 milliard 230 million mablag‘ evaziga barpo etilgan bo‘lib, uning ochilish marosimida tuman hokimi va mehnat faxriylari ishtirok etgan.
— Tumanimizning “Beshbuloq” shaharchasida faoliyat boshlagan bog‘cha 160 o‘rinli bo‘lib, qisqa muddatli guruhlar hisobiga 240 nafar bolani bag‘riga sig‘dirish imkoniyatiga ega, — deydi Dehqonobod tuman maktabgacha ta’lim bo‘limi mudiri Xoliyor Mengliyev. — Mazkur bog‘cha tumanimizda tashkil etilgan davlat bog‘chalarining o‘ninchisi hisoblansa, mavjud bog‘chalarning ellik birinchisi hisoblanadi.
Uning qo‘shimcha qilishicha, ayni kunda viloyatdagi bolalar bog‘chalarida bola qamrovi 29,6 foizga yetgan. Bu ko‘rsatkich Maktabgacha ta’lim vazirligi tashkil etilishidan oldin 13 foizni ko‘rsatgan.
Bog‘cha Janubiy Koreya uslubida barpo etilgan bo‘lib, Qashqadaryoda bu uslubida qurilgan bog‘chalarning oltinchisi hisoblanadi.
Izoh (0)