“Charm to‘p—2019” musobaqasining dastlabki g‘olibi ma’lum bo‘ldi

Mahalla yoshlari o‘rtasida o‘tkazilgan “Charm to‘p—2019” an’anaviy futbol musobaqasi o‘z nihoyasiga yetdi.

28-avgust, chorshanba kuni Toshkentagi “Milliy” stadionida musobaqning final uchrashuvi bo‘lib o‘tdi. Unda Toshkent shahrining “Iqbol” va Navoiy viloyati Navbahor tumanining “Kelachi” jamoalari g‘oliblik uchun kurash olib bordi. Uchrashuvni O‘zbekiston futbol Assotsiatsiyasi birinchi vitse-prezidenti Ravshan Ermatov boshqarib bordi.

Uchrashuvning asosiy vaqtida hisob ochilmadi, penaltilar seriyasida esa omad poytaxtliklarga kulib boqdi. Shu tariqa, Toshkent shahri Bektemir tumanining “Iqbol” jamoasi chempionlikni qo‘lga kiritdi.

Shuningdek, finaldan avval Qashqadaryoning “Oqqamish” va Namanganning “Navkent” jamoalari uchinchi o‘rin uchun bahs ollib bordi. Unda namanganliklar irodali g‘alabani qo‘lga kiritdi (3:2).

Musobaqa g‘oliblari va ishtirokchi jamoalarni taqdirlash marosimida O‘zbekiston Respublikasi Jismoniy tarbiya va sport vaziri Dilmurod Nabiyev, O‘zbekiston Milliy olimpiya qo‘mitasi prezidenti Rustam Shoabdurahmonov, Jismoniy tarbiya va sport vazirining birinchi o‘rinbosari Oybek Qosimov, vazir o‘rinbosari Sharif Mo‘minjonov va boshqalar ishtirok etdi.

Final bahsidan keyin musobaqaning individual sovrindorlari aniqlandi:

• “Eng yaxshi darvozabon” — Bekzod Amanullayev (“Iqbol”, Toshkent shahar)
• “Eng yaxshi himoyachi” — Zuhriddin Murodillayev (“Kelachi”, Navoiy)
• “Eng yaxshi yarim himoyachi” — Shuhrat Isganov (“Navkent”, Namangan)
• “Eng yaxshi hujumchi” — Sanjar Aliqulov (“Yettiguzar”, Sirdaryo)
• “Eng yaxshi futbolchi” — Sunnatilla Toshpo‘latov (“Kelachi”, Navoiy)
• “Eng yaxshi murabbiy” — Ahmadjon Xolmirzayev (“Navkent”, Namangan)