“Mikrokreditbank” ATB boshqaruvi raisi o‘rinbosarlari A.Nizamov hamda T.Atamurodovlar joriy yilning 22—26-avgust kunlari Samarqand, Navoiy, Xorazm va Jizzax viloyatlarida faoliyat yuritayotgan tadbirkorlar bilan uchrashdi.
Mazkur uchrashuvlarda kichik biznes va tadbirkorlikni yanada rivojlantirish, bu borada bankning tuman filiallari tomonidan amalga oshirilayotgan ishlar, tadbirkorlarning eksport salohiyatini oshirish uchun ularni moliyaviy qo‘llab-quvvatlash hamda xalqaro kredit liniyalarini tadbirkorlik sohasiga kengroq jalb qilish va ularni o‘zlashtirish borasida amalga oshirilayotgan ishlarga to‘xtalib, tadbirkorlarga yangi bank xizmatlari, onlayn kreditlar, xorijiy kredit liniyalari, shuningdek, mavjud imtiyozlar to‘g‘risida batafsil tushunchalar berildi.
350 dan ortiq ishtirokchilarning ko‘plab muammolari ko‘rib chiqilib, aksariyat masalalar tadbir davomida o‘z yechimini topdi. Tadbirkorlarni qiziqtirgan barcha masalalar bo‘yicha zaruriy tushuntirishlar berildi.
Ochiq muloqot ruhida o‘tgan mazkur uchrashuvlarda tadbirkorlar o‘z faoliyatlari davomida duch kelgan muammolari va qator takliflarini bildirdi. Bank tarkibiy tuzilmalari rahbarlari va mas’ul xodimlariga eksport qiluvchi korxonalarni moliyaviy qo‘llab-quvvatlash bo‘yicha tegishli ko‘rsatmalar berildi.
Uchrashuvlardan so‘ng hududlardagi bir qator kichik biznes subyektlarining loyihalari bilan yaqindan tanishib chiqish uchun joylarga tashriflar uyushtirilib, tadbirkorlarning eksport salohiyatini oshirish va qo‘shimcha ish o‘rinlari yaratishga qaratilgan biznes loyihalari o‘rganildi.
Reklama huquqi asosida.
Izoh (0)