Sharda Group yigirma yildan ko‘proq vaqt davomida Sharda universiteti, Sharda Hospital va Sharda Technology orqali ta’lim, sog‘liqni saqlash va axborot texnologiyalari sohalarida yetakchilik qilib kelmoqda. Bu Hindistonning shimoliy qismidagi eng katta ta’lim kompaniyasi bo‘lib, 20000 tadan ortiq talabalar universitetga tegishli 4 ta kampusda ta’lim olishmoqda. Undan tashqari, universitetning 4000 ta ishchi xodimi, dunyo bo‘ylab esa 47500 dan ortiq bitiruvchilari mavjud. Sharda Hospital orqali Sharda Group o‘rta hol insonlar uchun arzon narxlardagi tibbiy yordam ko‘rsatishni taklif qilayotgan bir paytda, shu kompaniyaning bo‘lagi Sharda Technology esa innovatsion texnologiyalardan tortib, IT ilovalarini taklif qilib kelmoqda. Kompaniya doimo qadriyatlarni e’zozlaydi. Ushbu qadriyatlar esa Sharda Group kompaniyasining biznesdagi o‘sishini ta’minlaydi.
Sharda universiteti doimo intellektual aniqlik va innovatsion bilimlarni izlash an’anasiga ega bo‘lib, o‘z fakulteti va talabalari orqali yashaydigan madaniyatga ega universitet hisoblanadi. Bugungi kunda Hindistondagi Sharda universitetida 80 dan ortiq mamlakat va Hindistonning 32 ta shaharidan kelgan talabalar o‘z orzulariga erishish va turli sohalarda rahbarlik darajasiga ko‘tarilish maqsadida ushbu universitetda ta’lim olishmoqda.
Hindistondagi Sharda universiteti 216 ta dastur bo‘yicha muhandislik, menejment, huquq, fundamental fanlar, san’at, ommaviy axborot vositalari va jurnalistika, dizayn, tibbiyot texnikasi, tibbiyot, stomatologiya, tibbiyot xodimi, farmatsevtika, tillar, ta’lim, moda, gumanitar fanlar, hamshiralik va malakalarni rivojlantirish kabi 18 ta yo‘nalish bo‘yicha talabalarga tahsil beryapti. Universitet Hindiston va Osiyodagi ko‘p tarmoqli ta’lim va talabalar uchun kredit tizimini taqdim etadigan universitetlardan biridir. Har yili minglab o‘quvchilar ta’lim olish uchun Sharda universitetini ma’qullashlari bunga yaqqol misoldir. Sharda universiteti dunyo miqyosida nufuzli o‘rinlarda turadi, misol uchun, universitet 9 yildan beri “eng yaxshi xususiy universitetlar” ro‘yxatidan joy olib kelmoqda. Forbes nashriga ko‘ra Sharda universiteti eng ko‘p xalqaro talabalarga ega bo‘lgan Hindistondagi birinchi raqamli ta’lim dargohidir. Sharda universitetining eng qimmatbaho resursi bu ularning 1200 dan ziyod intellektual kapitallaridir, yani inson kapitali. Sharda universiteti taniqli akademiklar va AQSh, Buyuk Britaniya, Gretsiya, Singapur, Yaponiya va Rossiyadan kelgan yetakchi mutaxassislaridan iborat.
Talabalar global miqyosda tajriba orttirishlari uchun Sharda universiteti 180 dan ortiq universitetlar bilan bitim tuzgan, jumladan, Garvard biznes maktabi (AQSh), Arkanzas shtati universiteti (AQSH), Heriot Watt universiteti (Buyuk Britaniya), Missuri shtati universiteti (AQSh), Kardiff universiteti (Buyuk Britaniya), Kurtin universiteti (Avstraliya), Leturni universiteti (AQSh) va boshqalar. Bu esa talabalarga o‘zaro talabalar almashinuvi, kreditlarini boshqa universitetlarga o‘tkazish orqali chet elda ta’lim olish imkonini beradi. Sharda universiteti talabalariga chet eldagi nufuzli oliy o‘quv yurtlarida kontrakt to‘lovlarisiz o‘qish imkonini ham beradi.
Sharda universiteti eng zo‘r va eng iqtidorli bitiruvchilarni o‘z universitetlariga va kompaniyalariga ishlash uchun jalb qilishda davom etmoqda. Universitetning Tech Mahindra, Global Logic, Microsoft, Cadence, Cognizant, Amazon, HCL, Dell, Wipro, NTT Data, ITC, Bosch, PepsiCo, MRF, Audi, American Express va Citi Bank kabi yirik tashkilotlar bilan hamkorliklari mavjud. Sharda universiteti har bir talabalaning ishga qabul qilish jarayonini yengillashtirish uchun treninglar olib boradi va talabalar ishga qabul qilinishining pasayishiga qarshi kurashadi.
Sharda—O‘zbekiston universiteti O‘zbekiston Respublikasi Prezidentining tegishli qarori bilan xalqaro talablar va standartlarga muvofiq oliy ma’lumotli, yuqori malakali kadrlarni tayyorlash maqsadida tashkil etildi.
Bu universitet Farg‘ona vodiysidagi birinchi xususiy universitetdir. Sharda—O‘zbekiston universiteti talabalari Hindistondagi Sharda universiteti talabalari deb ham hisoblanadi, bu esa haqiqatan ham Sharda universiteti talabalarining 27 foizi 80 dan ortiq mamlakatdanligini ko‘rsatadi.
Kelgusi yillarda Sharda—O‘zbekiston universiteti Osiyodagi yetakchi ilmiy va innovatsion tadqiqot markazlaridan biri bo‘lishi kutilmoqda. Yaqin kelajakda muhandislik, menejment, tibbiyot, stomatologiya, huquq, arxitektura, dizayn, jurnalistika va ommaviy kommunikatsiyalar, kompyuter dasturi, fundamental fanlar, hamshiralik, biotexnologiya, oziq-ovqat texnologiyasi, farmatsevtika, fizioterapiya, ta’lim, tillar, animatsiya, qishloq xo‘jaligi, tasviriy san’at va hujayra va saraton biologiyasi yo‘nalishlari ham ochilishi kutilmoqda. Sharda—O‘zbekiston universiteti insoniyat manfaati uchun tadqiqotlar va innovatsiyalarni qo‘llab-quvvatlash maqsadida ko‘plab markazlarni yaratishni ko‘zda tutadi. Sharda—O‘zbekiston universiteti o‘z global kampusini tashkil etishga intiladi, bu esa o‘quvchilarning orzularidagi karyeraga erishish uchun katta xizmat qiladi.
Bu yili Sharda—O‘zbekiston universiteti muhandislik va menejment sohasidagi yetakchi dasturlarni taklif qiladi va bu dasturlar xalqaro tajribaga ega bo‘lgan o‘qituvchilar tomonidan o‘rgatiladi. Talabalar sanoat loyihalari va real hayotdagi misollar orqali fanlarni o‘rganishadi va Sharda universiteti o‘z hamkorlari bilan almashinuv dasturlari bo‘yicha talabalarni 1 oydan 6 oygacha chet mamlakatlarida o‘qish imkonini beradi. Texnologiya yo‘nalishidagi talabalar o‘quv dasturining bir qismi sifatida Hindistonda 6 oy mobaynida ishlash imkoniyatiga ham egalar. Barcha fanlar ingliz tilida olib boriladi, bu esa talabalar kelajakda dunyo bo‘ylab karyera qilishlariga imkon yaratadi. Universitet texnik va madaniy tadbirlar orqali talabalar o‘rtasida shaxsiy ko‘nikmalarni shakllantirishga yo‘naltiriladi.
Sharda—O‘zbekiston universiteti — yangi yorqin haqiqat!
Onlayn ro‘yxatdan o‘tish uchun shu ilovani bosing www.shardauniversity.uz
Batafsil ma’lumot uchun telefonlarimiz:
+99 890 524 37 00
+99 890 524 38 00
+99 890 930 43 01
O‘zbekistonda Sharda universitetining Toshkent shahridagi vakolatxonasi InStudy.uz bilan bog‘lanish uchun telefon: +998 95 194 88 55
Reklama huquqi asosida.