Sevastopol Yo‘l harakati xavfsizligi bosh boshqarmasi Rossiya prezidenti Vladimir Putinga mototsiklni shlemsiz boshqargani uchun jarima solishdan bosh tortdi. Bu haqda Meduza xabar bermoqda.
Vladivostokda istiqomat qiluvchi huquqshunos Maksim Chixunov Sevastopol yo‘l harakati xavfsizligi inspeksiyasidan Rossiya prezidenti Vladimir Putinni mototsiklni shlemsiz haydagani uchun ma’muriy javobgarlikka tortishni so‘ragan edi.
Sevastopol YXHBBning ma’lum qilishicha, yo‘l harakati qoidalari ochilish marosimlariga tatbiq etilmaydi. Chunki ularni o‘tkazish vaqtida yo‘llarda transport harakati butunlay cheklanadi.
Eslatib o‘tamiz, Vladimir Putin 10-avgust kuni “Tungi bo‘rilar” motoklubi o‘tkazgan bayk-shouda “Ural” mototsiklini shlemsiz haydagan.
2018-yilning may oyida ham Putin Qrim ko‘prigi ochilishi marosimida himoya kamarini taqmasdan KaMAZ haydagan edi. Rossiya Federal xavfsizlik xizmati yo‘l qoidasi buzilmaganligini, Putin ko‘prikdan rasmiy ochilish marosimi uchun yurgani, u paytda yo‘l umumiy foydalanishda bo‘lmaganini ma’lum qilgandi.
Izoh (0)