Mudofaa vazirligida O‘zbekiston—Pokiston shtab muzokaralarining navbatdagi bosqichi doirasida Pokiston Qurolli Kuchlari Birlashgan shtabi vakili general-mayor Zahid Mahmud boshchiligidagi harbiy delegatsiya bilan uchrashuv o‘tkazildi.
Vazirlik Axborot va ommaviy kommunikatsiyalar departamenti xabariga ko‘ra, mehmonlarni Mudofaa vazirligi Xalqaro harbiy hamkorlik bosh boshqarmasi boshlig‘i polkovnik Dilshod Hasanov qabul qildi.
Muzokaralar davomida harbiy va harbiy-texnik, harbiy ta’lim yo‘nalishidagi maqsadli aloqalarni kuchaytirish orqali ikki mamlakat mudofaa idoralari orasida o‘zaro manfaatli hamkorlik munosabatlarini yanada rivojlantirishga kelishib olindi.
Ta’kidlanishicha, ushbu uchrashuv 2020-yilga mo‘ljallangan hamkorlikdagi tadbirlar rejasining tasdiqlanishiga zamin yaratadi.
Izoh (0)