Fuqarolik, oilaviy va jinoiy ishlar bo‘yicha huquqiy yordam va huquqiy munosabatlar to‘g‘risidagi Konvensiyaga qo‘shilish to‘g‘risidagi (Kishinyov, 2002-yil 7-oktyabr) qonun Prezident tomonidan imzolandi. Bu haqda Adliya vazirligining “Huquqiy axborot” Telegram kanali xabar berdi.
Kishinyov konvensiyasi huquqiy muhofazaga kirish tartibini belgilaydi, o‘zaro huquqiy yordamning turli shakllari va turlarini, uni ko‘rsatish tartibi va shartlarini, sud qarorlarini o‘zaro tan olish va ijro etishni o‘z ichiga oladi.
Hujjat haqidagi to‘liq ma’lumot bilan www.lex.uz sayti orqali tanishish mumkin.