Gonkongda 25-avgust kuni radikal namoyishchilar bilan to‘qnashish oqibatida turli darajada jarohatlar olgan 15 nafar politsiyachi kasalxonaga yotqizildi. Bu haqda “TASS” xabar bermoqda.

Huquq-tartibot organlari ma’lumotiga ko‘ra, tartibsizlik ishtirokchilarining 29 nafari qo‘lga olingan. Ular 12 yoshdan 48 yoshgacha bo‘lgan shaxslar bo‘lib, noqonuniy namoyish o‘tkazish, quroldan foydalanish va politsiyachilarga hujum qilganlik uchun ushlangan.

Politsiya shaharning Suyen Van hududidagi namoyishchilar guruhini tarqatish uchun ko‘zni yoshlantiruvchi gaz va ikkita suv sochuvchi maxsus mashinadan foydalangan.