Rossiya prezidenti Vladimir Putin TIVga AQSh tomonidan kruiz raketalarning sinovdan o‘tkazilishi munosabati bilan “tahdid darajasini tahlil qilish” va “simmetrik javob choralarini ko‘rish”ni buyurdi.
Meduza’ning xabar berishicha, Putinning tegishli bayonoti o‘rta va qisqa masofaga uchuvchi raketalar haqidagi shartnomani bekor qilishga bag‘ishlangan Xavfsizlik kengashi a’zolari bilan o‘tkazilgan majlisda ma’lum qilingan.
Putin, shuningdek, Rossiya “iqtisodiyot uchun serchiqim bo‘lgan qurol-yarog‘ poygasiga berilishni xohlamasligini”, ammo mamlakat xavfsizligi ta’minlanishini aytgan.
AQSh va Rossiya o‘rtasida 1987-yilda imzolangan O‘rta va qisqa masofaga uchuvchi raketalar haqidagi shartnomani 2-avgust kuni rasman bekor qilindi. Shartnomada 500 dan 5000 kilometrgacha masofada nishonga tegadigan raketalarni ishlab chiqish va ulardan foydalanish taqiqlangan edi.
Izoh (0)