23-avgust kuni O‘zbekiston Tashqi ishlar vazirining birinchi o‘rinbosari Ilhom Ne’matov Hindistonning elchisi Santosh Ja bilan uchrashdi, deb xabar beradi TIV matbuot xizmati.
Uchrashuvda O‘zbekiston Prezidenti Shavkat Mirziyoyevning o‘tgan yilda Hindistonga rasmiy tashrifi va Bosh vazir Narendra Modining taklifiga binoan joriy yil yanvar oyida “Jo‘shqin Gujarat-2019” IX xalqaro investitsiya sammitidagi ishtiroki chog‘ida erishilgan oliy darajadagi kelishuvlarni amalga oshirish nuqtayi nazaridan ikki tomonlama munosabatlar batafsil ko‘rib chiqildi.
Siyosiy, savdo-iqtisodiy, investitsiya, madaniy-gumanitar va boshqa sohalardagi O‘zbekiston – Hindiston hamkorligini kengaytirishdan tomonlar manfaatdorligi tasdiqlandi.
Suhbat chog‘ida turli darajadagi bo‘lajak ikki tomonlama uchrashuvlarning jadvali va kun tartibi ham ko‘rib chiqildi.