G‘ofurjon Mirzayev hokimlar haqida ijtimoiy tarmoqlarda tarqalgan gap-so‘zlarga izoh berdi

Viloyat hokimi Sirdaryoda 22-avgust kuni bo‘lib o‘tgan I Xalqaro investitsion forumi doirasida jurnalistlar bilan muloqotda hokimlar bilan bog‘liq voqealarga to‘xtalar ekan olijanob o‘zbek xalqi yaxshi muomalani xohlashini aytib o‘tdi.

“O‘z uyingizda ham birorta qo‘pol so‘z ishlatsangiz, farzandlaringiz sizdan xafa bo‘lib, bezib qoladi. Shuning uchun ishlarimizni hammamiz birgalikda yaxshi so‘z bilan amalga oshirishimiz lozim. Ota-bobolarimiz har bir narsani o‘ylab, yetti marta o‘lchab qaror qabul qilgan. Hozir ijtimoiy tarmoqlarda har xil bahs-munozaralar ketyapti. Uni ham bo‘lgani yaxshi. Lekin har bitta insonning ma’naviyati, ma’rifati, qolaversa, shaxsiy fazilati va fuqarolik pozitsiyasi bo‘lishi kerak”, — dedi Mirzayev.

Avvalroq Olmazor tumani hokimi o‘rinbosari Abdurasul Vahobovning “Kun.uz” xodimlariga tajovuzi haqida xabar berilgandi.

Mazkur holat Bosh prokuratura tomonidan nazoratga olingan.