“Birinchi imkoniyat paydo bo‘lgan kun konsert beraman”. Ozodbek Nazarbekov yana konsert beradimi? (video)

O‘zbekiston Respublikasi madaniyat vazirining birinchi o‘rinbosari Ozodbek Nazarbekov “Daryo” internet-nashri uchun eksklyuziv intervyu berdi. Intervyuni jurnalist Feruz Muhammad tashkillashtirdi.

Suhbat davomida Ozodbek Nazarbekov yana konsert berishi mumkinligi, buning uchun esa xonandaga qanday imkoniyatlar kerakligi haqida gapirib berdi.

Menda ijoddan to‘xtash fikri bo‘lmagan. Xudo xohlasa hozir ham, bundan keyin ham ijod davom etadi. Bu konsert ko‘rinishida bo‘ladimi yoki boshqa bir shakldami ijodimiz davom etadi. O‘ylaymanki, birinchi imkoniyat paydo bo‘lgan kuni, albatta, konsert beramiz. Ya’ni imkoniyat paydo bo‘ldi degani, bu kamida to‘rt oy bo‘sh vaqtim bo‘lishi kerak degani. Konsertga tayyorlanishim, qo‘shiqlar hozirlab, repetitsiya qilishim kerak. Konsert shaklini, g‘oyasini o‘ylash, uning ustida ishlash uchun qariyb yarim yil vaqt kerak bo‘ladi. O‘sha vaqt, imkoniyat paydo bo‘ladigan bo‘lsa, birinchi bo‘lib qiladigan ishim, konsert berish bo‘ladi.

Ozodbek Nazarbekov, O‘zbekiston Respublikasi madaniyat vazirining birinchi o‘rinbosari