Afg‘oniston poytaxti Kobul shahridagi to‘yda yuz bergan terakt qurbonlari soni 21-avgust kuni 80 kishiga yetdi, deb xabar bermoqda “Korrespondent.net”.
Afg‘oniston IIV rahbari Nusrat Rahimiyning ta’kidlashicha, olgan jarohatlari tufayli 17 kishi kasalxonada vafot etgan.
“Yana 17 kishi olgan jarohatlari tufayli vafot etdi, 160 nafardan ortig‘i hali ham kasalxona yoki uyida tibbiy yordam olmoqda”, — degan u.
Eslatib o‘tamiz, portlash 17-avgust kuni mahalliy vaqt bilan 22:40 da Kobuldagi banket zallaridan birida yuz bergan. Guvohlarning ta’kidlashicha, terrorchi-xudkush o‘zini sahna oldida portlatgan. Bu paytda zalda 400 nafarga yaqin odam bo‘lgan.
Izoh (0)