Sudan Harbiy kengashiga boshchilik qilgan general-leytenant Abdul Fattoh al-Burhon 21-avgust kuni mamlakat Suveren kengashi rahbari lavozimini egalladi. Bu haqda “TASS” xabar berdi.
U 20-avgust kuni Sudan Oliy sudi raisi etib tayinlangan Naamat Abdulla oldida qasamyod qilgan. O‘tish davrida davlatni boshqaradigan kengashning boshqa vakillari ham tartibga ko‘ra al-Burhon oldida qasamyod keltirgan.
Xabarda aytilishicha, Suveren kengash tarkibiga 5 nafar armiya vakili va 6 nafar oddiy fuqaro kiritilgan. Suveren kengash ishga tushirilishi bilan Harbiy kengash bekor qilinadi.
Izoh (0)