Markaziy bank raisi denominatsiya bo‘lmasligini ma’lum qildi

Markaziy bank raisi Mamarizo Nurmurodov denominatsiya (pul qiymatini o‘zgartirish) bo‘lmasligini ma’lum qildi. Bu haqda Adliya vazirligining “Huquqiy axborot” Telegram kanali ma’lum qildi.

“Denominatsiya oddiygina nollarni o‘chirish emas, katta iqtisodiy xarajat. Biz denominatsiya qilmoqchi emasmiz. Markaziy bank raisi sifatida aytmoqchiman, denominatsiya hech kimning xayolida yo‘q”, — degan u.

Uning ta’kidlashicha, denominatsiya iqtisodiy barqarorlik va kuchli inflyatsiya sharoitida o‘tkaziladi.  “Bizda ahvol unday emas”, — deya qo‘shimcha qilgan Markaziy bank raisi.