2019-yil 16-avgustdan e’tiboran “Ipak Yo‘li” aksiyadorlik innovatsion tijorat banki Master Card tizimida ishlayotgan kartalarga o‘z terminal va bankomat tarmoqlari orqali xizmat ko‘rsatishni boshladi.
“2018-yilda biz mazkur to‘lov tizimida prinsipial a’zolikni qo‘lga kiritdik. Hozirgi kunda biz loyihaning birinchi qismini amalga oshirdik, ya’ni Master Card tizimidagi kartalarni o‘zimizning terminal va bankomat tarmoqlarida xizmat ko‘rsatishni yo‘lga qo‘ydik”, — deya ta’kidlaydi chakana savdoni rivojlantirish boshqarmasining boshlig‘i Umid Ismailov.
Eslatib o‘tamiz, hozirgi kunda “Ipak Yo‘li” banki keng tarqalgan va xalqaro tizimida ishlayotgan Visa va Union Pay kartalariga xizmat ko‘rsatadigan bankomat tarmog‘iga ega.
Bank vakillari fikrlariga ko‘ra, Master Card ekvayring (mazkur tizimda ishlayotgan kartalarni hisob-kitobda ishlatilishi) tizimini joriy qilinishi xalqaro kartalarga xizmat ko‘rsatish bozorini egallashga yordam beradi, chunki O‘zbekistonga tashrif buyurayotgan chet elliklarning 50 foizi aynan ushbu to‘lov tizimida ishlayotgan kartalardan foydalanadi.
“Ipak Yo‘li” banki, shuningdek, Master Card kartalarining emissiyasi bilan ham shug‘ullanadi. Mazkur loyihani amalga oshirish 2019-yilning to‘rtinchi kvartaliga mo‘ljallangan.
Reklama huquqi asosida.
Izoh (0)