Fransiyada quyosh panellari o‘rnatilgan yo‘l loyihasi o‘zini oqlamagani sabab yopiladigan bo‘ldi

Fransiya shimolida qurilgan quyosh batareyali yo‘l loyihasi yetarlicha elektr energiyasini yetkazib bera olmagani uchun yopiladigan bo‘ldi, deb xabar beradi “Korrespondent.net”.

2016-yil dekabrida Colas kompaniyasi Wattway — fotogalvanik panellardan tashkil topgan birinchi avtomobil yo‘lini qurgan edi.

Uzunligi 1,6 kilometr bo‘lgan trassa Fransiya shimolida joylashgan. Muhandislar hisob-kitobi bo‘yicha yo‘l yiliga 150 ming kVt soat elektr ishlab chiqarishi va Turvur shahridagi yo‘l yoritgichlarini elektr energiyasi bilan ta’minlashi lozim edi.

Loyiha qiymati 5,2 million dollarga teng bo‘lib, u Fransiya hukumati tomonidan moliyalashtirilgandi. Ammo Wattway bir nechta xato sababli muvaffaqiyatsizlikka uchradi.

Masalan, kompaniya iqlimni hisobga olmagan: Kanda yiliga atigi 44 kun quyoshli bo‘ladi. Buning ustiga, Colas kuzda yo‘lni qalin xazon qoplashini ko‘zda tutmagan.

Bundan tashqari, muhandislar yo‘lga tushadigan bosimni ham noto‘g‘ri hisoblashgan – panellar polimer qoplama bilan qoplangan bo‘lsa-da, vaqt o‘tgach og‘ir avtomobillar va mahalliy fermerlar traktorlari panellar sindira boshladi.

Oqibatda 2018-yil mayda yo‘lning 90 metri mutlaqo yaroqsiz holga kelib qolgan. Yo‘l esa bir yilda atigi 80 ming kVt soat elektr ishlab chiqardi.