Daniya bosh vaziri Mette Frederiksen qirollik tarkibiga kiruvchi Grenlandiyaning sotilishi imkoniyatini qat’iy rad etdi. “Korrespondent.net”ning yozishicha, bu haqda u 18-avgust kuni Sermitsiaq gazetasiga bergan intervyuda ma’lum qilgan.
“Grenlandiya sotilmaydi. U Daniyaga qarashli emas. Grenlandiya Grenlandiyaniki. Umid qilamanki, bularning hammasi (orolni sotib olish haqidagi gap) jiddiy emas”, — deya ta’kidlagan bosh vazir.
“Grenlandiya hukumati Grenlandiya sotilmasligini, ammo boshqa masalada savdo va hamkorlik uchun doim ochiq ekanini ta’kidladi. Bunday yondashuvni Daniya hukumati butunlay qo‘llab-quvvatlaydi. Grenlandiya dollarda ham, rublda ham, boshqa valyutada ham sotilmaydi”, — degan Daniya TIV rahbari Yeppe Kufud.
Eslatib o‘tamiz, 16-avgust kuni The Wall Street Journal Tramp AQShning Arktikadagi o‘rnini kuchaytirish maqsadida Grenlandiya orolini sotib olmoqchiligini ma’lum qilgandi.
Izoh (0)