17-avgust kuni Afg‘oniston poytaxti Kobul shahridagi to‘yda yuz bergan terakt javobgarligini IShID o‘z zimmasiga oldi, deb xabar berdi “TASS”.
To‘yda xudkush-terrorchining o‘zini portlatib yuborishi oqibatida 63 kishi halok bo‘ldi, 182 kishi yaralandi.
Afg‘oniston prezidenti Ashraf G‘ani yuz bergan hodisani qoraladi hamda vaziyatni tahlil qilish, kelgusida aholi xavfsizligini ta’minlashdagi kamchiliklarni bartaraf etish maqsadida shoshilinch yig‘ilish o‘tkazishga qaror qildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)