Bugun,

  • USD 11095.31
  • RUB 173.84
  • EUR 10772.44

2019-yilning 15-avgust kuni O‘zbekiston Respublikasi Tashqi ishlar vazirligida Jahon iqtisodiyoti va diplomatiya universiteti bitiruvchilari o‘rtasida o‘tkazilgan eng yaxshi diplom ishlari tanlovi g‘oliblarini taqdirlash marosimi o‘tkazildi. Bu haqda TIV matbuot xizmati xabar bermoqda.

Foto: O‘zA

Foto: O‘zA

Tanlov yakuniga ko‘ra, O‘zbekiston Respublikasining Avstriya Respublikasidagi favqulodda va muxtor elchisi Sherzod Asadov, O‘zbekiston Respublikasining Rossiya Federatsiyasidagi favqulodda va muxtor elchisi Botirjon Asadov va O‘zbekiston Respublikasining Fransiya Respublikasidagi favqulodda va muxtor elchisi Sardor Rustambayev JIDU “Xalqaro munosabatlar” fakultetining 2019-yilgi bitiruvchilari Ulug‘bek Abdusalomov, Yekaterina Kurtova va Mohira Zayniddinovani sertifikat va esdalik sovg‘alari bilan taqdirladi.

Tanlov Tashqi ishlar vazirligining Ta’lim muassasalari faoliyatini muvofiqlashtirish bo‘limi tomonidan e’lon qilinib, O‘zbekistonning Avstriya, Fransiya va Rossiyadagi diplomatik vakolatxonalari ko‘magida o‘tkazildi.

Bo‘limga universitet talabalarining ko‘plab bitiruv ishlari kelib tushdi va ular tashqi siyosat idorasi tizimida katta ish malakasiga ega diplomatlar tomonidan o‘rganib chiqildi.

Ta’lim muassasalari faoliyatini muvofiqlashtirish bo‘limi O‘zbekistonning xorijdagi diplomatik vakolatxonalari bilan hamkorlikda tanlovni har yili o‘tkazishga qaror qildi.

Izoh
Asosiy yangiliklar
Mahalliy
Tan olingan kambagʻallik. Hukumat muammoni qanday hal etmoqchi?
Dunyo
Rossiyada urushga borishdan bosh tortgan mahbuslarga qo‘shimcha jazo muddati bilan tahdid qilinmoqda — OAV
Salomatlik
Buyrakda toshlar, gipertoniya: rivojlanishiga birgina tuz sabab boʻladigan 4 ta xavfli kasallik