Haj amalini ado etgan tojikistonliklarning ilk guruhi 18-avgust kuni vataniga qaytadi. Bu haqda mamlakat Din ishlari hamda an’analar va urf-odatlarni tartibga solish qo‘mitasi ma’lum qildi.
Avgust oyining oxirigacha tojikistonlik hojilarning bari vataniga qaytgan bo‘ladi. Qaytishdan oldin ular bilan Makka va Madinada tushuntirish ishlari olib boriladi, hojilarni kutib olishni faqatgina oila davrasida o‘tkazish kerakligi uqtiriladi.
Qo‘mitaning ta’kidlashicha, qonunga binoan “hojitalbon” va “hoji oshi” singari marosimlar taqiqlangan. Zam-zam suvi va xurmoni tarqatsa bo‘ladi. Aholi hojilarni eson-omon qaytib kelgani bilan tabriklashi mumkin.
Ma’lumot uchun, joriy mavsumda 6 ming tojikistonlik haj ziyoratini amalga oshirmoqda.
Izoh (0)