Yengil vazn toifasida UFC chempioni Habib Nurmagomedov Rossiyaning eng nufuzli musulmonlari reytingida uchinchi o‘rinni qo‘lga kiritdi.

Foto: Getty Images

“Biznes Online” tuzib chiqqan reytingdan asli kelib chiqishi o‘zbekiston bo‘lgan milliarder Alisher Usmonov ham o‘rin olgan. Usmonov oltinchi o‘ringa loyiq ko‘rilgan.

Mazkur reytingda Rossiya muftiylari kengashi rahbari Ravil Gaynutdin birinchi o‘rindan joy olgan. Undan keyingi pog‘onada Tataristonning birinchi prezidenti Mintimer Shaymiyev turibdi.

Shuningdek, kuchli beshlikka Tatariston prezidenti Rustam Minnixanov va Checheniston rahbari Ramzan Qodirov kiritilgan.

Foto: “business-gazeta.ru”

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!