Bugun,

  • USD 11095.31
  • RUB 173.84
  • EUR 10772.44

“O‘zbekiston — buyuk yo‘llar va tamaddunlar chorrahasi: imperiyalar, dinlar, madaniyatlar” madaniy meros haftaligi qatnashchilari 23-avgustda Islom svilizatsiyasi markaziga tashrif buyuradi, deb xabar beradi “Darakchi.uz”.

Foto: “Darakchi.uz”

Foto: “Darakchi.uz”

Shu jumladan, O‘zbekiston Musulmonlari idorasiga tashrif davomida dunyodagi ilk Qur’on qo‘lyozmalari — Usmon Qur’oni, Katta Langar Qur’oni nusxalarini ko‘rishga muvaffaq bo‘ladi.

Usmon Qur’oni tug‘ilmagan buzoq terisiga bitilgan bo‘lib, muqaddas kitobning ilk qo‘lyozmasi sanaladi. Barcha musulmon olami vakillari uchun tabarruk bo‘lgan nodir qo‘lyozmani ko‘rish uchun har yili Toshkentga dunyoning turli mamlakatlaridan minglab taqvodorlar hamda sayyohlar tashrif buyurmoqda.

Mashhur Katta Langar Qur’oni ham islom dini va barcha musulmonlar uchun katta olamshumul ahamiyatga ega. Bu qadimiy kitob butun insoniyatning merosi hisoblanuvchi madaniy va tarixiy boyliklar qatoriga kiritilgan.

Ekspertlarning fikricha, Katta Langar Qur’oni qo‘lyozmasining umumiy hajmi 206 sahifa bo‘lib, bugungi kungacha undan deyarli yarmi — 97 ta sahifasi saqlab qolingan. Qur’on sahifalarining 81 varag‘i Rossiyaga borib qolgan va hozirda Rossiya fanlar akademiyasining Qo‘lyozmalar institutida saqlanmoqda.

So‘nggi ma’lumotlarga ko‘ra, qo‘lyozmaning 16 varag‘i O‘zbekistonda saqlanmoqda. Ayni vaqtda bu nodir qo‘lyozmaning qolgan sahifalari taqdiri noma’lumligicha qolmoqda.

Shu munosabat bilan O‘zEOAVMA “Sevimli” telekanali hamda BBC o‘zbek xizmati bilan hamkorlikda afsonaviy Qur’onning yo‘qolgan sahifalarini izlab topishga qaratilgan loyihani amalga oshirmoqda. Bu borada “Katta Langar Qur’oni afsona va haqiqatlar” mavzusida davomli hujjatli filmlar seriali ham tasvirga olindi. Uning tasvirga olish ishlari Toshkent, Buxoro, Samarqand, Qashqadaryo viloyatining Qamashi tumanidagi Katta Langar qishlog‘ida hamda Rossiyaning Sankt-Peterburg shahrida olib borildi. Film lavhalari Qur’on sahifalarining asosiy qismi qanday qilib Sankt-Peterburgga borib qolgani bilan bog‘liq tarixiy haqiqatlarni ochib beradi. Shu jumladan, bu hujjatli filmda arablar qishlog‘ida yashovchi oqsoqollar va mahalliy aholi xotiralari, Katta Langar Qur’oni bilan bog‘liq afsona va haqiqatlar hikoya qilinadi.

Loyiha doirasida 30 ta 15 daqiqalik film tasvirga olingan. Bu film joriy yil Ramazon oyida “Sevimli” telekanalida va BBC o‘zbek xizmati veb-saytlarida tomoshabinlar e’tiboriga havola qilindi. Aynan shu filmning umumlashtirilgan talqini madaniy meros haftaligi ishtirokchilariga ham namoyish etiladi.

Izoh
Asosiy yangiliklar
Mahalliy
Android telefonlarda zilziladan ogohlantiruvchi funksiyani yoqish usuli (video)
Mahalliy
O‘zbekistonda Ramazon oyi 23-martdan boshlanadi
Mahalliy
Foto: Shavkat Mirziyoyev ishtirokidagi Navro‘z umumxalq bayramiga bag‘ishlangan tantanali marosim