Alutex O‘zbekiston — Britaniya qo‘shma korxonasi 1999-yilda tashkil etilgan bo‘lib, kompaniya 2003-yilda MDH mamlakatlarida birinchi bo‘lib, alyumin profillari va furnituralarini ishlab chiqara boshlagan.
Ishlab chiqarish jarayoni quyma ishlab chiqarish, ekstrudlash, bo‘yash, anodlash yoki dekorativ ishlov berish, qadoqlash va laboratorik tekshiruvlar kabi besh boshqichdan iborat.
Alutex ishlab chiqarishning barcha bosqichini nazorat qiladi. Hammasi zavodga dunyodagi yetakchi birlamchi alyuminiy ishlab chiqaruvchilaridan bo‘lgan Rossiyaning Rusal kompaniyasidan alyuminiy quymalari olib kelinishi bilan boshlanadi.
Xomashyo quyma ishlab chiqarishga yo‘naltiriladi. Bu bosqich presslash uchastkasini alyuminli qotishmalar bilan ta’minlaydi.
Zavodda 35 tonnalik uchta eritish qozonlarida eritish-quyma agregatlardan foydalaniladi.
Quyiladigan mahsulotlar diametri 100 millimetrdan 300 millimetrgacha bo‘ladi. Ularning uzunligi standart bo‘yicha 6 metrni tashkil etadi.
Tayyor yarim mahsulotlar ekstrudlash jarayoniga uzatiladi.
Ishlab chiqarishda mavjud bo‘lgan presslangan profillar nomenklaturasi 500 dan ortiq turga ega, shuningdek kompaniya mijoz chizmasiga ko‘ra profil tayyorlab berishi ham mumkin. Bularni ishlab chiqarish uchun presslash uchastkasi tarkibida oyiga 1400 tonnadan ortiq ishlab chiqarish quvvatiga ega bo‘lgan yettita presslash liniyasi mavjud.
Keyingi bosqich rang berish. Korxonada to‘rtta kukunli emal bilan bo‘yaydigan avtomatlashtirilgan liniyalar mavjud. Korxonada faqatgina poliefir asosli, atmosferaga barqaror, yomon atrof-muhit ta’sirida ham uzoq muddat xizmat qiluvchi import emallardan foydalaniladi.
Kukunli emallar polimerlashdan so‘ng ekologik xavfsiz hisoblanadi.
Mijoz RAL katalogining ko‘p sonli variantlaridan istalgan rangni tanlashi mumkin.
Ishlab chiqarishda anodlash imkoniyati mavjud.
Anodlash — bu himoya-dekorativ qoplamaning bir turi bo‘lib, u profilning ustki qismida alyuminiy gidratidan mustahkam plyonka hosil qilishdan iborat. Bu qatlam profilning uzoq muddat xizmat qilish davrida uning rangi va qulayligi o‘zgarmasligini ta’minlaydi.
Mijozning xohishiga ko‘ra alyumin profillarga bezak berish mumkin.
Bezak berish — bu har xil turdagi yog‘och va toshlarning suratini tushirish texnologiyasi.
Surat bosish vakuumda amalga oshiriladi. Natijada o‘ta mustahkam qoplamali uzoq xizmat qiluvchi va chiroyli ustki qism hosil bo‘ladi.
Tayyor mahsulot maxsus himoya plyonkasida qadoqlanadi.
Tayyor profillar muntazam ekspress — kimyoviy tarkib nazoratidan o‘tkaziladi. Nazorat Foundry Master laboratoriyasining spektrografik usuli va kompyuter texnologiyalari yordamida amalga oshiriladi.
Alutex profillari deraza, eshik, qishki bog‘lar, binoning ustki qismi, mebel, panjara, deraza va eshik himoya panjarasi, shuningdek mijoz istagiga ko‘ra maxsus profillar tayyorlashda ishlatiladi.
Aloqa ma’lumotlari:
Telefon raqamlari: (+99898) 125-04-44
Savdo bo‘limi: (+99871) 250-99-48
Firma do‘koni: (+99871) 250-13-06
Reklama huquqi asosida.
Izoh (0)