“ArMI – 2019”. O‘zbekistonlik harbiy tibbiyotchilar “Individual mahorat” shartida eng yaxshi ekanliklarini ko‘rsatdi

“Forish” poligonida 9-avgust kuni “Harbiy-tibbiy estafeta” tanlovida ishtirok etayotgan jamoalarning erkak va ayollari “Individual mahorat” shartida o‘z ko‘nikmalarining namoyishi bo‘yicha maxsus mashqlarni bajardi. Bu haqda Mudofaa vazirligi Axborot va ommaviy kommunikatsiyalar departamenti “Daryo”ga ma’lum qildi.

Unda 11 mamlakat sharafini himoya qilgan harbiy xizmatchilar ikki yo‘lakchada, qisqa masofadagi startdan finishgacha: shartli yarador bemorning qo‘lini jgut bilan bog‘lash va belgilangan marragacha sudrab borish; o‘pka-yurak reanimatsiyasida yurak yopiq massaji maxsus manekenga sun’iy nafas berish hamda shartli bemorning qo‘lini bog‘lagan holda, xavfsizlik qoidalariga rioya etib, uni ko‘targancha hududdan evakuatsiya qilish vazifalarini bajardi.

Nufuzli tanlov nizomiga ko‘ra, ayollar o‘rtasida shartli bemorning og‘irligi – 62 kilogramm bo‘lsa, erkaklar o‘rtasida – 70 kilogrammni tashkil etdi (bronejiletdan tashqari). Natijalar bilan quyida tanishishingiz mumkin.

Shifokorlar o‘rtasida:

1. Elmurod Bobojonov (1178 ball) — O‘zbekiston;
2. Andrey Malaxov (990 ball) — Rossiya;
3. Nurjan Kapezov (929 ball) — Qozog‘iston.

1. Valijon Begaliyev (1101 ball) — O‘zbekiston;
2. Shohrux Ibrohimov (1062 ball) — O‘zbekiston;
3. Hokimbek Madaminjonov (1050 ball) — O‘zbekiston.

1. Oydin Ubaydullaxo‘jayeva (802 balla) — O‘zbekiston;
2. Liliya Manasipova (781 ballov) — O‘zbekiston;
3. Saidaxon Abdumo‘minova (777 ballov) — O‘zbekiston.