O‘zbekiston va Koreya o‘rtasida muntazam parlamentlararo muloqot olib boriladi

O‘zbekiston parlamenti delegatsiyasi a’zolari 6—9-avgust kunlari Koreya Respublikasiga rasmiy tashrifi doirasida “Koreya—O‘zbekiston” do‘stligi parlament uyushmasi raisi Byong Je Il, Koreya respublikasi Milliy assambleyasi deputati Chu Mi E bilan uchrashdi. Bu haqda “Daryo”ga jurnalist Jonibek Ma’rupov xabar beradi.

Uchrashuvda parlamentlaro munosabatlar nafaqat o‘zaro ishonchni mustahkamlashga, balki siyosiy, savdo-iqtisodiy va gumanitar sohalarda hamkorlikni kengaytirishga bevosita ta’sir ko‘rsatadi. Shu nuqtayi nazardan, tomonlar davlat hokimiyati organlari qonunlarga so‘zsiz rioya qilishini, sotsial-iqtisodiy va ijtimoiy-siyosiy rivojlantirish davlat dasturlarini amalga oshirishini ta’minlash maqsadida ularning faoliyatini parlament tomonidan nazorat qilish muhim ahamiyat kasb etishini ta’kidladi.Shu bilan birga, hududlar orasida, jumladan, O‘zbekiston Respublikasi mahalliy Kengashlari deputatlari darajasida aloqalar rivojlanishini ta’minlashga urg‘u berildi. Qayd etilishicha, O‘zbekiston va Koreya o‘rtasida muntazam parlamentlararo muloqot olib borilishi o‘zaro ishonchni yanada mustahkamlashga xizmat qiladi.Shuningdek, Koreya Respublikasi Milliy Assambleyasi Tadqiqot xizmati rahbariyati bilan uchrashuvda esa O‘zbekiston delegatsiyasi a’zolariga Koreya Respublikasining saylov tizimi, Prezident va parlament saylovlari hamda mahalliy hokimiyat vakillik organlariga saylovlarning o‘ziga xosliklari haqida taqdimot namoyish etildi.