“UzAvto Motors” zavodi profilaktika ishlari tufayli avtomobil ishlab chiqarishni to‘xtatmoqda, deb xabar bermoqda kompaniya matbuot xizmati.
Ish rejasiga muvofiq, “UzAvto Motors” AJ zavodlarida 2019-yilning 26-avgustidan boshlab yillik rejali profilaktika ishlari boshlanadi.
Ushbu chora-tadbirlar doirasida korxonalarni kuz-qish mavsumiga tayyorlash doirasida rejali tekshirish, asosiy va yordamchi texnologik uskunalar va butlovchi qismlar, kommunal va rejali ta’mirlash ishlari olib boriladi.
“Tayyor mahsulotni yetkazib berish bo‘yicha barcha shartnoma majburiyatlari o‘z vaqtida va to‘liq bajarilishini ta’kidlaymiz. Rejalashtirilgan profilaktika ishlari oldindan tuzilgan transport vositalarini yetkazib berish jadvaliga ta’sir qilmaydi”, — deb ta’kidlangan kompaniya xabarida.
“UzAvto Motors” 2019-yilning 23-sentabridan yana avtomobil ishlab chiqarishni boshlaydi.
Izoh (0)