7-avgust kuni Mirzo Ulug‘bek tumanining shu nomli ko‘chasida qarama-qarshi harakat yo‘nalishi bo‘ylab harakatlangan Lacetti rusumli avtomobilni ta’qib qilish chog‘ida YPX inspektori tomonidan qurol qo‘llangan.
Videoregistrator qayd etgan holat Mirzo Ulug‘bek haykali yonida ro‘y bergan. Huquq-tartibot xodimi nima sababdan qurol qo‘llashga majbur bo‘lgani ma’lum emas.
IIBB matbuot xizmatiga ko‘ra, haydovchi YPX inspektorining to‘xtash haqidagi ishorasiga bo‘ysunmagan. Hozirgi vaqtda avtomobil davlat raqami va egasi aniqlangan, uni qo‘lga olish choralari ko‘rilmoqda.
Matbuot xizmati mazkur videoga izoh bermagan.