“Manchester Siti” klubi “Yuventus” himoyachisi Joau Kanselu transferi borasida kelishuvga erishdi, deya xabar qilmoqda jurnalist Janluka di Martsio sayti.
Kelishuvga ko‘ra, mankunianlar Kanseluni o‘z safiga qo‘shib oladi, “Yuventus”ga esa boshqa bir himoyachi Danilo yo‘l oladi. “Manchester Siti” qo‘shimcha 28 million yevro to‘laydi.
Avvalroq Danilo turinliklar klubida yiliga 3,5 million yevro maosh olishi xabar qilingandi. Kanselu esa “shaharliklar” bilan besh yillik shartnoma imzolaydi va yiliga 4,5 million yevro ishlaydi.
Ma’lumot uchun, Joau Kanselu o‘tgan mavsum A Seriyada 25 ta o‘yin o‘tkazib, 1 ta gol urdi va 5 ta golli uzatmani amalga oshirdi. Danilo esa Angliya Premyer ligasida 11 ta uchrashuvda 1 ta gol urishga muvaffaq bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)