4-avgust kuni soat 6:00 da Jizzax viloyati, Sh.Rashidov tumani, “Xalqobod” MFY hududidan o‘tuvchi A-376 “Jizzax—Qo‘qon” yo‘lining 293 kilometrida Jizzax yo‘nalishida harakatlanib ketayotgan, Samarqand viloyati Toyloq tumanida yashovchi R.X.ga tegishli GAZ-53 rusumli yuk avtomobilida yong‘in kelib chiqqan.
Bu haqda xabarni shu yerdan o‘tayotgan fuqaro “101” raqamiga orqali yetkazgan. Mazkur murojaat yuzasidan Jizzax shahar Yong‘in xavfsizlik bo‘limining yong‘in-qutqaruv bo‘linmasi zudlik bilan voqea joyiga yetib boradi. Qutqaruvchilar yong‘in joyiga yetib borganida yuk avtomobilining motor va kuzov qismi alanga ichida qolganligi, agar olov avtomobilning bortiga o‘tsa, gaz ballonlarining portlash xavfi mavjudligi aniqlandi.
Qutqaruvchilarning tezkor harakatlari natijasida yong‘in qisqa muddatda bartaraf etildi. Avtomobil haydovchisi esa kuyish tan jarohati bilan Jizzax shahar tez tibbiy yordam xizmati jonlantirish bo‘limiga yotqizilgan.
5-avgust kuni shifokorlar tomonidan jabrlangan fuqaroga javob berilgan.
Izoh (0)