Karimov fondi o‘z Facebook’dagi sahifasida 2000-yilda bo‘lib o‘tgan Sariosiyo voqealari haqida maqola va uning videosini e’lon qildi.
2000-yil avgust oyida O‘zbekiston janubida hukumat kuchlari jangovar bo‘linmalari hamda mamlakat hududiga suqulib kirgan O‘IH xalqaro terrorchilar to‘dasi o‘rtasida qurolli to‘qnashuvlar ro‘y berdi. Kelajak haqida xomhayollarga berilgan jangarilar O‘zbekistonda qonli izlar qoldirdi, shu bilan birga, ular Tojikistondagi fuqarolar urushi davrida, qolaversa, Qirg‘iziston, Afg‘oniston va Rossiyada bir qator qo‘poruvchilik harakatlarini amalga oshirgan edi.
Sariosiyo voqealari ishtirokchisi bo‘lgan zaxiradagi polkovnik Botir Abdullayev o‘sha kunlarni xotirlaydi:
2000-yilning avgusti. O‘zbekiston sarhadiga xalqaro terrorchilar to‘dasi hujum uyushtirdi. Men xizmat qilayotgan, tashkil topganiga hali ko‘p vaqt bo‘lmagan maxsus operatsiyalar bo‘yicha batalyonlar jangarilarga qarshi kurash olib borayotgan edi.Kunlarning birida O‘zbekiston Birinchi Prezidenti, Oliy bosh qo‘mondon Islom Karimov bizning qismga tashrif buyurdi. U kishi yonimizga kelib, otalarcha samimiyat ila muammolar bilan qiziqdi, yana qanday texnika yoki uskuna zarurligini so‘radi. Ammo hammasidan ham Islom Abdug‘aniyevichning bizga qarata qilgan xitobi men va quroldosh do‘stlarim xotirasida qoldi. ‘Yodda tutinglar, – dedi Oliy bosh qo‘mondon, – agar kimdir sizlarning to‘g‘ri dushman o‘qiga, tikka o‘limga borishingiz haqida buyruq berganimni aytsa, aslo ishonmanglar: men hozirgacha bunday buyruq bermadim va bundan keyin ham bermayman!Sirasini aytganda, asabiylashish va qo‘rquvdan asar yo‘q edi. Biz o‘sha lahza qalbimizda o‘zimiz va Oliy bosh qo‘mondonning kuchiga ishonchni his etdik. Islom Abdug‘aniyevichning asosiy maslagi har qanday yo‘l bilan dushman hamlasini qaytarish emas, balki mustaqil va dunyoviy O‘zbekiston uchun jonini berishga tayyor insonlarning hayotini saqlab qolish edi.Botir Abdullayev, zaxiradagi polkovnik
https://www.facebook.com/IslamKarimovFoundation/videos/440572189866198/
Izoh (0)