Futbol bo‘yicha Germaniya Superkubogi doirasida mamlakat vitse-chempioni “Borussiya Dortmund” Dortmund shahrida Bundesliganing amaldagi chempioni “Bavariya” klubiga qarshi maydonga tushdi.
Bellashuvning 48-daqiqasida Dortmund klubi hujumchisi Pako Alkaser Jeydon Sancho uzatgan to‘pni Manuel Noyer qo‘riqlayotgan darvoza to‘riga joylab qo‘ydi (1:0). 69-daqiqada esa birinchi golga assistentlik qilgan Sancho ham o‘z nomiga bitta gol yozdirib qo‘ydi (2:0).
Shu tariqa “arilar” “Bavariya” darvozasiga javobsiz 2 ta gol urib, mamlakat Superkubogini qo‘lga kiritdi.
Ma’lumot uchun, “Borussiya” mazkur sovringa 6 marotaba ega chiqdi. Bu borada myunxenliklar yetakchi hisoblanadi. “Bavariya” hisobida 7 ta sovrin mavjud.
Germaniya Superkubogi
3-avgust, shanba
“Borussiya D”—“Bavariya” 2:0
Gollar: 1:0 — 48 Alkaser, 2:0 — 69 Sancho“Borussiya D”: Xits, Pishchek (Volf, 80), Toprak, Akanji, Shults, Vitsel, Gerreyru (Hakimi, 75), Sancho (Bruun Larsen, 81), Vaygl, Roys, Pako Alkaser
“Bavariya”: Noyer, Kimmix, Zyule, Alaba (Sanshesh, 70), Boateng, Alkantara (Pavar, 80), Tolisso, Goretska, Koman, Myuller (Devis, 66), Levandovski
Ogohlantirishlar: Levandovski (59), Kimmix (77)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)