Mo‘ynoq tumanidagi tajriba uchastkasida avtonom mini meteostansiyani o‘rnatdi, deb xabar bermoqda Innovatsion rivojlanish vazirligi matbuot xizmati.
Meteostansiya O‘zbekiston Prezidenti huzuridagi Orolbo‘yi xalqaro innovatsiya markazi Sho‘rlanish sharoitida biodehqonchilik xalqaro markazi (ICBA) hamda Yaponiyaning Kioto universiteti o‘rtasida imzolangan memorandum doirasida bir guruh olimlar ishtirokida o‘rnatilgan.
Stansiya butunlay avtonom bo‘lib, alohida xizmat ko‘rsatilishini talab etmaydi. Qurilma akkumulyatorli batareya, quyosh paneli va datchik ko‘rsatkichlarini yozib oladigan loggerdan iborat. Stansiyaga AQShning Onse kompaniyasi tomonidan ishlab chiqarilgan HOBOware sensorlari o‘rnatilgan, mazkur sensorlar orqali vegetatsion qatlamning va undan yuqoridagi ob-havo harorati, atmosfera bosimi, quyosh radiatsiyasi, havo tezligi va yo‘nalishi, yog‘ingarchiliklar, tuproq namligi va harorati, yer osti suvlari darajasi aniqlanadi.
Ta’kidlanishicha, bu ko‘rsatkichlar o‘simliklarning o‘sishini va hosil bo‘layotgan biomassalarni baholashga ko‘mak berib, Orolbo‘yi iqlim sharoitlariga mos o‘simlik navlarini aniqlash imkonini beradi.
Izoh (0)