“O‘zbekiston havo yo‘llari” mustaqillikning 28 yilligi nishonlanishi munosabati bilan respublika ichidagi barcha aviaqatnovlar chiptalariga chegirmalar e’lon qildi. Bu haqda Uz24 xabar berdi.
Chegirmalar 31-avgustdan 3-sentabrgacha amal qiladi.
Yakka yo‘lovchilarga 30 foizlik, sayyohlik guruhlari (besh va undan ortiq kishi), maktab, kollej, litseylar o‘quvchilari va OTMlar talabalari, IIV, Mudofaa vazirligi, Davlat soliq qo‘mitasi, Davlat bojxona qo‘mitasi va boshqa idoralar tizimidagi maxsus o‘quv muassasalari tinglovchilariga 40 foizlik chegirmalar taqdim etiladi.
Ikki va undan ortiq kishidan iborat oilalar — er va xotin; er, xotin va ularning 18 yoshgacha bo‘lgan bolalari; 18 yoshgacha farzandlari bo‘lgan ota-onalar; nafaqaxo‘r va nogironlar 50 foizlik chegirmadan foydalanishi mumkin.
1941—1945-yillardagi urush qatnashchilari va ularga tenglashtirilgan shaxslar, shuningdek Chernobil AES fojiasi oqibatlarini bartaraf etishda ishtirok etgan fuqarolarga ham 50 foizlik chegirmalar taqdim etiladi.
Izoh (0)