Florida shtatining sog‘liqni saqlash departamenti miya shishishiga olib keladigan va har uch holatning birida o‘lim bilan yakunlanadigan “Sharqiy ot ensefaliti virusi”ni aniqladi, deb xabar beradi Forum Daily.
O‘tgan hafta shtat hukumati EEEV (Eastern equine encephalitis virus) virusining aniqlangani haqida ogohlantirish bergandi.
“Orinj okrugi tumanlarida chivinlar orqali tarqaladigan mazkur virus bilan zararlangan insonlar soni ortib bormoqda”, — deyiladi department xabarida.
Kasalliklar nazorati va profilaktikasi markazining ta’kidlashicha, mazkur kasallik 30 foiz holatlarda o‘lim bilan yakunlanadi.
“50 yoshdan kattalar va 15 yoshdan kichiklarning EEEV bilan zararlanish xavfi yuqori. EEEV infeksiyasi ikkita kasallik turiga olib kelishi mumkin — tizimli yoki ensefalit. Kasallik turi insonning yoshi va boshqa omillarga bog‘liq”, — deyiladi agentlik xabarida.
Chivin chaqqanidan keyin 4—10 kun ichida EEEV bilan zararlangan inson yuqori tana haroratidan, bosh og‘rig‘i, qaltirash va diareyadan azob chekadi.
Floridalik amaldorlar shtat aholisiga chivinlarni o‘ziga jalb qiladigan buyumlardan tezda qutulishni va tanani doim kiyim bilan yopib yurishni tavsiya qilmoqda.
Izoh (0)