Parij sudi Sonia Rykiel modalar uyini zudlik bilan yopish haqida hukm chiqardi

Parijda Sonia Rykiel modalar uyi yopiladi, deb xabar bermoqda Meduza. Sud kompaniyani sotib olish bo‘yicha oxirgi arizani rad etgan.

Xabarda aytilishicha, sud modalar uyini sotib olmoqchi bo‘lgan Lévy kompaniyasi taklifini rad etgan. Bundan qarordan so‘ng sud zalida bo‘lgan Sonia Rykiel xodimlarining bir nechtasi yig‘lab yuborgan.

Kompaniyani tugatish doirasida Sonia Rykiel’ning 10 ta do‘konlari yopiladi. Kompaniyaning arxivi va intellektual mulki esa sotiladi. Ta’kidlanishicha, agar savdo belgisiga xaridor chiqsa, u saqlab qolinishi mumkin.

Aprel oyida Sonia Rykiel egasi bankrotlikdan himoya qilish maqsadida sudga murojaat qilgan va bu doirada kompaniyani sotib olish bo‘yicha bir necha takliflar ko‘rib chiqilgan.

Ma’lumot uchun, Sonia Rykiel savdo belgisiga 1968-yilda frunsuz modeleri Sonya Rikel tomonidan asos solingan. Kompaniya asoschisi 2016-yilda vafot etganidan so‘ng modalar uyida savdo hajmining keskin pasayishi oqibatida moliyaviy qiyinchiliklar boshlangan.