Toshkent shahar Shayxontohur tumanidagi “Shayxontohur” mahallasi aholisi mahalla e’tiborga muhtoj bo‘lib qolganidan shikoyat qildi, deb xabar bermoqda O‘zA.
Ma’lum bo‘lishicha, “Shayxontohur” mahallasi aslida 2-sektor hududiga qarashli. Mahalla o‘tgan yili “Obod mahalla” dasturiga kirganiga qaramay, obod emas. Atrofda axlatxonalar paydo bo‘lgan. Ko‘chalar qarovsiz qolgan, bolalar o‘yingohi esa juda xarob ahvolda.
“Obod mahalla” dasturi doirasida aholi foydalanayotgan mavjud beton garajlar buzilgan. Bunga bir yildan ortiq vaqt bo‘lgan bo‘lsa ham, o‘z holiga tashlab qo‘yilgan. Aholining so‘zlariga ko‘ra, yaqin vaqtga qadar bu yerlardan axlatxona o‘rnida foydalanilgan. Odamlarning ko‘p joyga murojaatidan keyingina, axlat uyumi olib tashlangan.
Hududdagi bu joy qarovsiz qolganligi bois aholining o‘zi zamonaviy avtoturargoh qurish uchun mas’ullarga murojaat qilgan, ammo ularning murojaati e’tiborsiz qolgan.
Izoh (0)