“O‘zbekiston temir yo‘llari”ga qarashli “O‘ztemiryo‘lyo‘lovchi” AJ va “Kazakstan temir jo‘li”ga qarashli “Passajirskiye perevozki” AJ rahbariyati tomonidan o‘tkazilgan muzokarada chipta bahosini pasaytirish masalasi ko‘rildi. Bu haqda “O‘ztemiryo‘lyo‘lovchi” matbuot xizmati xabar berdi.
Natijada 2019-yil 1-avgustdan “Kazakstan temir jo‘li” tomonidan yuqori tezlikda harakatlanuvchi “Tulpar-Talgo” poyezdining belgilangan tarif bahosiga qo‘shimcha chegirmalar berilishiga qaror qilingan.
Unga ko‘ra, poyezd jo‘nashidan besh sutka oldin chipta xarid qilinsa SV hamda kupe vagonlariga 25 foiz, o‘tiradigan o‘rindiqli vagonlarga 15 foiz, qo‘shimcha yig‘imlarga 53 foiz chegirma beriladi.
Ta’kidlanishicha, chipta narxlarini pasaytirish masalasi yana qo‘shimcha ravishda ko‘rib chiqiladi.
Izoh (0)