Bugun,

  • USD 11095.31
  • RUB 173.84
  • EUR 10772.44

Vladimir Zelenskiyning partiyasi Ukraina Oliy Radasiga muddatidan oldin o‘tkazilayotgan saylovlarda yetakchilik qilmoqda, deb xabar beradi Meduza.

Foto: “RBK”

Foto: “RBK”

Ma’lumotlarga ko‘ra, “Xalq xizmatkori” partiyasi jami ovozlarning 42—44 foiziga egalik qilmoqda. Shuningdek, partiya shtabining ma’lum qilishicha, dastlabki natijalar bo‘yicha partiya vakillari Kiyevning barcha okrugida birinchilikda ketyapti.

Viktor Medvedchukning “Muxolifat platforma — Hayot uchun” partiyasi esa 11—12 foiz ovoz bilan ikkinchi o‘rinda ketmoqda. Medvedchuk partiya saylov natijalaridan qoniqmayotganini va “kurashning yangi bosqichiga” tayyorgarlik ko‘rishini ma’lum qilib ulgurdi. Shuningdek “Muxolifat platforma”, “Xalq xizmatchisi”ga yordam berishga tayyor ekanligini, biroq Proyevropa partiyalari bilan hamkorlik qilmasligini bildirgan.

Svyatoslav Vakarchukning “Ovoz” partiyasi esa 6 foizdan ortiqroq ovoz to‘pladi. Ukraina sobiq prezidenti Pyotr Poroshenko hamda sobiq bosh vaziri Yuliya Timoshenkoning partiyasi taxminlarga ko‘ra, 8 foiz ovoz to‘playdi. Qolgan partiyalar esa Oliy Radaga kira olmasligi mumkin.

Qonunga ko‘ra, Oliy Radadagi 450 deputatning yarmi siyosiy partiyalar ro‘yxati bo‘yicha, qolgan yarmi esa — bir mandatli okruglar bo‘yicha saylanadi. Qrimning Rossiyaga qo‘shilishi hamda Donesk va Lugansk viloyatlarining bir qismi separatist boshqaruvida bo‘lgani sabab bir mandatli 225 nafar deputat o‘rniga 199 nafar tanlanadi. Jami deputatlar soni 424 nafar bo‘ladi.

21-iyul soat 21:50 dagi vaziyatga ko‘ra, saylovchilarning 49,39 foizi ovoz berib ulgurgan.

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova