Qashqadaryo IIBning yangi binosi foydalanishga topshirildi

Qarshi shahridagi qariyb 6,5 milliard so‘mdan ortiq mablag‘ evaziga viloyat IIB transportda xavfsizlikni ta’minlash boshqarmasining yangi uch qavatli binosi barpo etildi deb xabar beradi O‘zA.

“Navbatchilik qismidan tortib shinam xizmat xonalarigacha axborot- kommunikatsiya texnologiyalari, kuzatuv uskunalari va boshqa zarur jihozlar bilan ta’minlangan.

Shuningdek, binoda ma’rifat, faxriylar, maxsus tergov va qayd etish, intizomiy kengash xonalari, voyaga yetmaganlar maxsus tergov xonasi, yotoqxona hamda aniq turar joyi yo‘q bo‘lgan shaxslarni reablitatsiya etish markazida ham bir qator qulayliklar yaratildi. Tergovda adolat va xolislikni ta’minlash maqsadida maxsus tergov xonasi hamda maxsus qayd etish xonasida videoyozuv uskunalari o‘rnatildi”, — deydi boshqarma katta tergovchisi, mayor Anvar Ochilov.