Hindistonlik stendap-komik Manjunatx Naydu Dubayda tomosha vaqtida vafot etdi, deb xabar beradi “Gazeta.ru”. Uning o‘limiga yuragining to‘xtab qolishi sabab bo‘lgan.
Naydu shou oxirida sahnaga chiqqan. Kutilmaganda u tomoshabinlarga o‘zini yomon his qilayotganini aytib, sahnaga o‘rnatilgan o‘rindiqqa o‘tirgan. Birozdan keyin esa yerga yiqilgan.
Tomoshabinlarning ko‘pchiligi buni shouning bir qismi deb qabul qilgan, ammo 1—2 daqiqadan keyin tomosha bo‘lib o‘tayotgan Clavichord Signature mehmonxonasi xodimlari sahnaga yugurib chiqib, 36 yoshli qiziqchiga yordam berishga uringan. Voqea joyiga yetib kelgan shifokorlar ham uni hayotga qaytarishga harakat qilgan, ammo bu besamar ketgan.
Izoh (0)