AQShda Oyga odam qo‘nganining 50 yilligi munosabati bilan o‘tkazilgan auksionda 907 ming dollar yig‘ildi

Nyu-Yorkda Oyga ilk bor odam qo‘nganiga 50 yil to‘lgani munosabati bilan Christie’s auksion uyi tomonidan kimoshdi savdosi o‘tkazildi. “RIA Novosti”ning xabar berishicha, unda hujjatlar, “Apollon 11” kemasidagi xaritalar, astronavtlarning suratlari va boshqa narsalar sotilgan.

AQShda Oyga parvozning 50 yilligi munosabati bilan o‘tkazilayotgan tadbirlar bir haftadan buyon davom etmoqda. Asosiy tadbirlar 19—20-iyul kunlari o‘tkaziladi. Aynan shu vaqtda 50 yil oldin Nil Armstrong va Bazz Oldrin jahonda birinchi bo‘lib Oy sirtiga yetib borgan.

Kimoshdi savdoga umumiy hisobda 200 ta buyum qo‘yilgan. Tadbir tashkilotchilarining baholashicha, ayrim lotlarning bahosi 9 millon dollargacha yetishi kerak edi.

Ammo auksion natijalari kutilganidan ancha past bo‘ldi va buyumlar umumiy hisobda 907 ming dollarga sotilgan.