Ravshan Ermatov boshchiligidagi O‘zbekiston futbol assotsiatsiyasi delegatsiyasi Malayziya poytaxti Kuala Lumpur shahrida Osiyo futbol konfederatsiyasining kelishilgan o‘yinlar va totalizatorga qarshi kurash bo‘yicha mas’ullari — AFC Integrity departamenti rahbari Ahmed Alosaymi hamda Sportradar kompaniyasi direktori Oskar Brodkin bilan uchrashuv o‘tkazdi. Bu haqda O‘FA xabar berdi.
Ta’kidlanishicha, uchrashuv chog‘ida OFK vakillari O‘zbekistondagi ichki musobaqalarda kelishilgan o‘yinlar tashkil etilishiga qarshi kurashda O‘zbekiston futbol assotsiatsiyasini to‘liq qo‘llab-quvvatlashini hamda bu borada o‘zaro hamkorlikda ish olib borishga tayyor ekanini ma’lum qilgan.
Shuningdek, FIFA hakamlar qo‘mitasi raisi o‘rinbosari Hani Ballan hamda OFK hakamlar boshqarmasi direktori Shamsul Maydin bilan ham uchrashuv o‘tkazilgan. Unda Osiyodagi va O‘zbekistondagi hakamlikni rivojlantirish, hakamlar saviyasi va mahoratini oshirish uchun seminarlar tashkil etish, VAR tizimi kabi masalalar muhokama qilingan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)