Arablar uchun milliy liboslar Andijonda tayyorlanadi

Saudiya Arabistonining Madina shahridan kelgan Abdulbosit Abdulhodiy Andijonda tikuvchilik yo‘nalishi bo‘yicha istiqbolli loyihani taqdim etdi. Bu haqda “Xalq so‘zi” xabar berdi.

— Arablarning milliy kiyimlari Xitoyda ishlab chiqariladi, — deydi investor. — Lekin O‘zbekistonda yetishtirilgan paxta xom ashyosi sifatliligi bilan ajralib turadi. Shu sababli Qo‘rg‘ontepa tumanidagi “Qo‘rg‘on gruk” MChJ bilan hamkorlikda arablar milliy kiyimlarini tayyorlashni rejalashtirdik. Buning uchun Andijonda barcha sharoit bor.

Loyiha amalga oshirilgach, dastlab 100 ta ish o‘rni yaratiladi. Bu esa “Qo‘rg‘on gruk”ning ishlab chiqarish sur’ati uch barobar ortishiga sabab bo‘ladi. Hamkorlikdagi rejalar ijobati natijasida qo‘rg‘ontepalik chevarlar tomonidan tikilgan mahsulotlar “Al Andijoniy” brendi ostida dunyo bozoriga kirib boradi.