Hindistonning shimoli-sharqida joylashgan Assam shtatiga yopirilgan toshqinlar oqibatida 5,2 million kishi suv bosgan hududlarda qolib ketdi, deb xabar beradi “TASS”.
Hozirda 150 mingdan ortiq odam vaqtinchalik lagerlarga joylashtirilgan, evakuatsiya ishlari davom etmoqda.
Kuchli musson yomg‘irlari natijasida yuzaga kelgan toshqinlar shtatdagi 33 ta okrugning 30 tasiga zarar yetkazgan.
U yerda jami 31 million odam istiqomat qiladi. Mintaqadagi 11 ta daryo, jumladan, Hindistonning eng yirik daryolaridan biri — Braxmaputra ham o‘zanidan toshib ketgan. So‘nggi ma’lumotlarga ko‘ra, 20 kishi halok bo‘lgan va o‘nlab kishi bedarak yo‘qolgan.
Noyob hayvonlar, xususan, Hindiston yakkashoxi yashaydigan Kaziranga qo‘riqxonasining 90 foizi suv ostida qolgan. Assam shtatining bir qator ko‘priklari va yo‘llariga zarar yetgan.
Izoh (0)