2019-yil 14-iyul kuni Toshkent shahriga Ajlan & Bros Holding Group (Saudiya Arabistoni) raisi shayx Muhammad bin Abdulaziz al-Ajlan boshchiligidagi delegatsiya tashrif buyurdi. Bu haqda Tashqi ishlar vazirligi xabar berdi.
Tashrifni tashkillashtirgan O‘zbekistonning Saudiya Arabistonidagi elchixonasi bergan ma’lumotga ko‘ra, Ajlan & Bros arab erkaklarining klassik kiyimlarini ishlab chiqaruvchi yetakchi kompaniyalardan biri bo‘lib, mamlakat ichkarisida va boshqa arab davlatlarida 45 ta filial va 200 ta ulgurji savdo punktlariga ega.
Ajlan & Bros rahbariyatining tashrif dasturidan Toshkent shahrida Vazirlar Mahkamasida, Investitsiya va tashqi savdo vazirligi, Qishloq xo‘jaligi vazirligi, “O‘zto‘qimachisanoat” uyushmasi, “O‘zbekoziqovqatxolding” kompaniyasi rahbariyati, Andijon va Namangan viloyati hokimlari va boshqa potensial sheriklar bilan uchrashuvlar o‘tkazish ko‘zda tutilgan.
Tashrif yakunlariga ko‘ra, aniq investitsiya loyihalari va O‘zbekiston meva-sabzavot mahsulotlarini Saudiya Arabistoni va boshqa qo‘shni davlatlarga eksport qilish bo‘yicha kelishuvlarga erishish kutilmoqda.
Izoh (0)