Prezident Farmoniga muvofiq, 2019-yil 1-avgustdan eng kam ish haqining 10 foizga oshishi belgilandi. Shunga ko‘ra, turli ma’muriy jarimalarning miqdorlari ham 2019-yil 1-avgustdan 10 foizga oshadi. Bu haqda Adliya vazirligining “Huquqiy axborot” Telegram-kanali xabar berdi.
Bunda, jarimalar huquqbuzarliklar sodir etilgan vaqtdagi eng kam ish haqi miqdori bo‘yicha to‘lanadi. Masalan, 28-iyul kuni haydovchiga transport vositasida harakatlanishda telefondan foydalanganligi uchun ma’muriy bayonnoma tuzildi. Jarimalar miqdori 1-avgustdan o‘zgarishiga qaramasdan, mazkur haydovchi 60 kun ichida 28-iyulda amalda bo‘lib turgan jarimani (608 190 so‘m) to‘lashi lozim bo‘ladi.
Izoh (0)