Nepalda kuchli yomg‘ir va suv toshqini oqibatida halok bo‘lganlar soni 65 kishiga yetdi, deb xabar bermoqda “TASS”. Qayd etilishicha kamida 30 nafar shaxs bedarak yo‘qolgan, yana qariyb 40 kishi jarohatlangan.
Nepaldagi qattiq yomg‘ir 11-iyulda boshlangan. Tabiiy ofat mamlakatning 20 dan ortiq tumanlarini qamrab olgan, 1,4 mingdan ortiq kishi evakuatsiya qilingan. Hodisa oqibatida bir necha avtotrassalar yopilib qolgan. Xavfsizlik kuchlarining qariyb 30 ming a’zosi zarur yordam ko‘rsatish uchun safarbar etilgan.
Sinoptiklar hududdagi ob-havo dushanba kunga qadar yaxshilanishini taxmin qilgan.
Izoh (0)